Dawtmi, Hihi Philh Hrimhrim Hlah Mu

1. Dawt-thlum, kan dawtnak hi nuamnak ca lawngah si loin, na lungthin dihlak in rak ka daw ve mu.

2. Duh-dawtnak kong na ka chimhmi bia lawng kha i rinh loin, a taktak in ka cungah langhter khawh i zuam mu. Bia nakin umtu cawlcang langhter khawh hi a biapi deuhmi a si.

3. Ka thatnak lawng hmuh timh i nifatin caan na hmang peng ahcun ni khatkhat ah na lung a fak te lai. A ruang cu palhnak le thinhunnak ngei bak lo dingin sermi ka si lo.

4. Palhsualnak ka ngeih caan zongah na dawtmi ka si ruangah hin ka palhnak lawng hmuh piak loin, a liamciami caan chung vialte ah na caah ka rak i peknak vialte hna kha rak ka hngalhpiak ve tawn.

5. Lenglei ka langhning lawng ka zohpiak hrim hlah. Na zoh ahcun ka cungah na lungdongnak na hmuh than lengmang ko lai. Lenglei langhnak hna hi cu dihdongh caan an ngei tawn. Sihmanhsehlaw, nang kan dawtnak hi cu lenglei dawhnak nakin aa dawh deuhmi le a sunglawi deuhmi a si hi hngal law, thihnak kutkik nih an tlaih tiangin a cuai kho ti lo dingmi dawtnak a si hi philh hrimhrim hlah.

6. Ka palhsualmi cungah na diriam sawhsawh loin, a hmanningte le na duhning tein ka um peng khawh nak hnga ka caah cawnpiaktu tha si khawh i zuam mu.

7. Ka caah na sunglawi ning ka hngalhfian khawhnak hnga kan herh lio caan ah kaltak loin, ka pawngte ah um khawh peng i zuam mu.

8. Ka hmaika ah a rak chuakmi harnak vialte hna cu tha tein ka pahchih khawh nakhnga zamtak loin, thawnnak le intuar khawhnak thazaang rak pek law, ka tha thawnnak hrampi si khawh i zuam peng mu.

9. Na hawile he nan umti caan ah rak ka zahpi loin, ka tuah khawh lai ti zumhnak ka ngeih khawhnak hnga dawtnak thinlung he rak ka kup tawn.

10. Na chung le nih an ka thangchiat caan ah an raltih in ka chiatnak lawng ceihpi len hna hlah. Thatnak ka tuah chunmi tete ruat than in bia khiahnak ser khawh nai zuam tawn lai mu. “Kan dawt zungzal lai.”

By: Victor Aung Thu Lin