PATHIAN BIA HE- THAZANG PEKNAK

Pastor rian a tuan bal lomi hna nih cun, Pastor rian hi vawlei rian ah a fawi cem tiah a ruatmi an um. Pathian rian cu pumpek in tuanmi a si caah a har khun ko. Pathian rian cu pumpek nak le teimak ngai in tuan tung lo ahcun tuan lo law law kha a rak tha deuh. Zeicah tikah Pathian riantuan cu fial chom ruangah aa lim kho dingmi riantuan a si lo (Jer 48:10). A ngaingai ti ahcun pastor rian tluk in vawlei cungah rian harmi a um lo. 1. Pastor rian cu, Nazi khiah awk tha lomi a   si. Company rian cu nikhat ah Nazi 8 lawng tuan a si. Pathian riantuan cu minung nih an herhmi poah tuah piak a si caah Nazi in khiah khawh a si lo. A caan ahcun hospital ah kal a hau, a caan ahcun (prison) thonginn ah kal a hau, a caan ahcun refugee camp or office ah kal a hau, a caan ahcun immigration office ah kal a hau, a caan ahcun counseling tuah a hau Nazi in khiah awk a tha lomi rian a si. 2. Pastor rian cu, tuanmi Nazi zat in tuanman pek a silomi rian a si. Tuanman hmuh lomi rian hi vawlei mit h

Minung le biaknak hi then awk ttha loin, an kalti zungzal. Minung cu thazang dermi kan si caah luatnak pektu le hunphen khotu Pathian kan herh. John Hick nih a chimh, “Vawleicung biaknak hi a lengphaw cun aa dang ko nain an muru cu aa khat dih ko” tiah a ti. Jews biakinn (synagogue) ah Pathian cu Adonai: Abraham Pathian, Isaac Pathian, Jacob Pathian tiah an auh. Muslim biakinn (mosque) ah cun Allah: a siangmi P athian, zaangfahnak a ngeimi Pathian tiah an auh. Sikh biakinn ah dawtu Pathian, uktu Pathian, a siangmi Pathian, tiah an auh. Hindu biakinn ah cun nunnak petu pathian: Krishna, Rama, Shiva etc tiah min tampi an auh. Khrihfami biaknak ahcun thumkomh Pathian: Pa Pathian, Fapa, le Thiang Thlarau tiah kan auh. Hi biaknak vialte hi Pluralism nih Pathian cu pakhat a si ko tiah an dirpi. Biaknak dang eg. Buddhism, Hinduism le Muslim pawl nih cun anmah nih pathian kha an kawl i, anmah lilak nih nunnak dih tiang an pek than. An pathian nih lungthin hnangamnak a pek kho hna lo ca