MINO LE CAAN, (YOUTH AND TIME)


Pathian cu dawtnak Pathian a si bantuk in mi zei paoh thleidan loin 24 hours caan a kan pek, caan cu free in Pathian pekmi a si, nain tlaih tthan awk a tha lo. Thil hmanthiam lakah hin caan hmanthiam hi a sunglawi bikmi a si. Vawlei ah kum zeizat hmanh nung ko u sih law, na hmuh than khawh ti lomi cu caan a si i cu caan chungah "Mino Caan" zong aa tel ve.
Mino timi hi mirang holh in ‘youth’ ti a si i a sullam cu "A quality of being Young" ti a si. Mino i thil ti khawhnak. 21 century ah mino tampi ram hruaitu le ram a sersiamtu biapi bik dirhmun ah an hnung dir cuahmah cang. Mino tello taktak cu zeithil hmanh hi a tlamtling thlu kho ti lo. Mino a tthawn ahcun ram ngan a dam i, ram nih theipar dawhte a zun tawn. Mino caan hi a sunglawi tuk i hman thiam ding hi a biapi ngai. Mi cheu nih a chim theo “No than khawh si seh law cu aw!” tiah an ti tawn. Asinain cucu saduhthahnak men lawng a si. Mino caan hi that lai caan a si. Mui lei in siseh, thluak le thinlung lei ah siseh, thazaang le thilti khawhnak lei ah siseh, a that bik lio caan cu, "mino" caan hi a si. Mino caan hi a that bik lio caan a si bantuk in hman thiam a hau ngai ve. A hmang thiammi nihcun an nunchung, an hlawhtling i a hmang thiam lomi nih cun a nun chungah an i ngaihchih ve ko.
Mino si lio caan hi thinlung a ran bik caan a si. Zei paoh hi rang tuk tuah kan duh. Thinlung chung i a umning in tuah colh duh asi. Cucaah a herhmi cu tinhmi tha tein ngeih hi a si. Tinhmi tha tein ngeih setsai loin kal ahcun a hmaan lomi lam zulh sual a fawite. “Na upa tikah zei bantuk teinak hmuh na duh, atu in zei lam dah na zulh lai” ti pawl hi bia i hal zungzal an hau. Caan tawite diriamhnak men ah tuan siloin tinhmi ngeih in hmailei ah a kalmi kan si a biapi ngai. Cu hlei ah Mino paoh cu nuamhnak kan duh cio. Hawi he nuamh le mah duhmi tuah hi kan duh bikmi a si.
Pathian bia nih “Mino na duhmi tuah ko, a nuam na timi tuah ko, caan sau na no ti lai lo. Asinain na tuahmi kip ah Pathian nih bia a ceih te lai ti kha philh hlah” (Phungchimtu 11:9). Kan no lio caan i kan nunzia le kan tuahmi kip ah Pathian nih bia a kan ceih lai i upa kan si tikah,  kan tuahmi cu kan zuun te ding a si. Mino kan si lio ah duh thim ding tampi kan ngeih lio caan a si. Cucaah, tinhmi ngei in tlawnleng a herh. Duh thim ding tampi na ngeih lio caan hi taksa nuamhnak caah i thim sual hlah tiah kan forh duh.
“Vawleicung thil phunkip caah caan tha a um” (Phungchimtu. 3:1). Kan nunchung kan nunnak caah kan i timhtuahnak ding caan tha bik cu mino kan si lio caan hi a si. Mino caan a hmang thiammi pawl cu nun man ngei an si i an damchung sunparnak nih caan khat hnu caan khat a don hna. Caan kan ngeih lio i kan nunnak hi Pathian he hram kan thok a hau. Mino pakhat nih a hmasabik ah a kawl a haumi cu, Pathian tihzah nun hi a si. Cawnnak caah caan tha bik cu mino si lio caan hi a si. No lio ah thluak a tha i a ran nakin thiam a fawi hlei ah philh lo tein hman than khawh a si. Caan tha kan ngei lio ahhin, nihin mino pawl thil dangdang nakin fimthiamnak cawn hi hmaisabik ah kan tuah ding a si.

 By: Victor Aung Thu Lin



Comments

Post a Comment

Popular posts from this blog

The Story of Arthur Carsons: Mission to the Chin

Image
The Rev. Arthur Carson, the first American Baptist missionary to the Chins, was born on August 6, 1860 in Columbus USA. He was ordained as a full-fledged minister or August 29, 1885. After this, the American Baptist Mission Union designated him to be a missionary to the Chins in April 16, 1886. He sailed from USA to Burma on the 14 th day of October and arrived in Yangon on the 13 th day of December. Five-days after his arrival, he married Laura Hardin at the Sgaw Karen Church in Bassein. Laura was born on September 28, 1868 and on July 9, 1883 she was given the responsibility to work in a foreign land by Women’s Foreign Mission Society of West Chicago. She sailed on September 29, 1883. She arrived in Yangon on November 28, 1883. She worked for a while as a teacher at Kotharbyo High School in Bassein. Having been given the responsibility to work as missionaries to the Southern Chins (Ashochins) by the Rev. Arthur Carson and Mrs. Carson took residence at Thayetmyo in 1888, an...
Read more

Lai Mino Thanchonak Caah A Herhmi Thil Pathum

Biahmaithi Kan ram theipar pangpar dawh a chuah tertu cu Lai mino nangmah le keimah hi a si.  “Righteousness exalts a nation, miphun a lianngan tertu cu dinnak a si” tikah kan Bible ca nih a kan cawnpiak. Nihin vawlei cung thil kan zoh tikah vawlei fimnak (technology) hi a tthancho cuahmah; vawlei cung minung tthanchonak kan zoh tikah keimah ka hmuh ning ahcun thatnak lei in thancho loin chiatnak leiin kan tthancho deuh rua tiah ka hmuh. Kanmah Chin, Lai Mino nun ka zoh tikah (righteousness), dinnak nun hi zei ah kan rel lo tuk. Laimi nih kan uar ngaimi cu Lih bia chim hi si. Cucaah Laimi lih bia chimtu ah kan cang. Mino, upa nunnak ah dinfelnak lungthin nih a kan zam tak cang rua ti hi ka ruah ngai. (righteousness), dinnak nun hi Mino, Upa caah a herh tuk mi thil pakhat a si. 1. Dinnak kan herh: Dinnak hi mi zeipoah caah a tha i, mi zeipoah nih dinnak hi kan tuah cio lo. “Dinfelnak cu kan khuaruah mi, lungthin in a tho i nunzia ah a langmi a si”. Nun zia cu tuah sernak ...
Read more

Paul Tuanbia Tawi 20

1 th  Paul cu Judah miphun hleihnih lak ah miphun sang Benjamin hrinsor a si. 2 th  Paul cu Tarsus khua ah a chuak. 3 th  Paul cu Kum 12 a si ah Jerusalem khua ah cawnpiaktu min thang a simi Gamaliah sin ah fimnak a cawngmi a si. 4 th  Paul cu khrihfa a rak hermtu hna pakhat a rak si. “Lam 7:60” 5 th  Paul cu Damaskas haukaa ah Bawipa nih aa lung a rak thlenmi a si. 6 th  Paul cu Damaskas khua ah Ananias nih Tipilnak a rak pek. “Lam 9:18” 7 th  Paul cu Arab ramcar (thase ramcar) chungah Pathian he kum 3 chung Hawikomhnak an ngei. 8 th  Paul cu Saphaw thlam thiat rian a tuanmi a si. 9 th  Paul hmasatbik Thawngtha chimnak cu Damaskas khua ah a si. 10 th  Paul hmanungbik (A donghnak bik) Thawngtha chimnak cu Rome khua ah a si. 11 th  Paul hmasatbik thong tlaknak cu Jerusalem khua ah a si. 12 th  Paul hmanungbik (A donghnak bik) thong tlaknak cu Rome khua ah a si. 13 th  Paul hmasatbik thual tlawnna...
Read more