PATHIAN BIA HE- THAZANG PEKNAK

Laimi nih general in pasaltha kan timi cu a ral a thami le minung tling sinak a hmangmi le anmah nunnak le sinak hlawt in midang nunnak lawmhnak a thlengtu an si. Pasaltha le nusaltha cu thlachiatruahnak nun in midang caah aa phahmi khi an si. Rev. Dr. Sang Awr nih “Thlachiatrauhnak timi biafang hi a kau ngaingaimi le a thuk tukmi a si. Hi biafang nih dawtnak, zawnruahnak, ngaihthiamnak, dinak, velngeihnak, midang ca nunnak vialte kha a huap khawh dih,” a ti. Pasaltha taktak cu thlachiatruah lungput a ngei hrimhrim lai. Mah le mah raithawinak bangtukin i pehchanh, mah le mah i hlawt, teimak, lungthawn, ngamhsan, raltha, dirhmun fek, lungsau. (To be self-sacrificing, self-denying, persevering, stoical, stouthearted, plucky, brave, firm, patient etc.) ti bantuk hna hi an si. 1.       Pasaltha cu, (influence) midang cungah ruahnak a pek khotu, huham a ngeimi a si. 2.       Pasaltha cu, (decision) biakhiah khawhnak a ngei hrimhrim lai. 3.       Pasaltha cu, a tuah cangmi rian a

“Pathian sinin thil lianngan i ruahchan law; Pathian caah thil lianngan i zuam.” Khrihfa a rak dirka ah Khrihfa mi hna nih thawngttha bia chim ding rian fialnak a simi khua zakip ah kal in miphun dihlak zultu ah ser dingmi hi biatak tein an rak i zuam. Kum zabu (3) hrawng i Rome uknak tang ah a ummi hmun pawl le Europe ramchung hna ah Khrihfabu dirh an si hna i thawngttha bia zong hlawhtling ngai in rak chim a si. Mah hi hnu ah missionary rianttuannak hi a zor i tampi rianttuannak kong hmuh khawh a si ti lo. Asinain kum zabu (15) chung ah Catholic missionary rianttuannak cu India ram ah hmuh a si tthan. Cu lawng siloin kum zabu (17) in (19) chung karah Protestant missionary rianttuannak hi vawleicung ram tampi ah an tthawng ngaingai. William Carey hi protestant Khrihfa rianttuantu a si i amah cu India ram ah mission rian a ttuanmi a si. Amah hlan ah Protestant Khrihfa missionary rianttuantu Bartholomes Ziegenbagh le Henry Plutshau (1760 kum) ah India ram Tamilnadu state ah a