PATHIAN BIA HE- THAZANG PEKNAK

Vawlei mit zoh ahcun nung hi a har i lung a dong ko. Kan ruahchanmi hi kan saduhthat tlingtertu siloin a caan ahcun ngaihchia mitthli tlaknak lawng a chuahpi. 1.       Vawlei ah kan duh ning in kan chuah lo i, kan duhlo ning in kan liam than. 2.       Hlawhtlinnak hmu ding in kan i zuam nain, sunghnak chung in kan luat hlei lo. 3.       Kan ngeihmi thil a karh nain, kan minung man a tthumh. 4.       Nunnak caah riantuan cu kan thiam nain, nun man zeidah si kan theih ti lo. 5.       Thil ngan deuhdeuh kan tuah nain, thil tthat deuh an si bal lo. 6.       Second heaven America zong zeihmanh a hlei lo lungreitheinak a tam chin2. America ram cu Vancung khua (second-heaven) an rak ti tawn nain, nihin ahcun buainak le thisen luan a tam cemnak ram pakhat a si cang. Pathian dawtnak a theih lomi hna ca ahcun second heaven si loin, second Hell bak si ko. Vawlei cung ram thawng le ram lianngan, African Empires 300 BC in nihin American chan tiang tuanbia zoh hna sih: 1.      

1.       Jesuh aa thawh i, "Ka pa, ngaithiam hna. An tuahmi kha zei a si tiawk an hngal lo," tiah a ti. Camcawhfung zuh in a hnipuan kha an i phaw. (Luke 23:34). 2.       Cun Jesuh nih cun, "Mah hihi kan chimh; nihin ah Paradis ah keimah sinah na um lai," a ti. (Luke 23:34). 3.       Cuka i a nu le a dawtmi a zultu an dir ko kha a vun hmuh hna i a nu cu, "Ka nu, khaka ah khan na fapa a umkha," tiah a vun ti i a dawt mi a zultu cu, "Khaka ah khan na nu a um khah," tiah a vun ti ve. Cu caan thawk cun cu zultu nih cun Jesuh nu cu an inn aha um ter.  (John 19:26-27). 4.       Zaanlei suimilam pathum tluk ah khin Jesuh cu a au i, "Eli, Eli, lema sabakthani," a ti, a sullam cu, "Ka Pathian, ka Pathian, zeicahdah na ka kaltak," ti a si. (Matthai 27:46). 5.       Atu cu zeizong vialte kha a tling dih cang ti kha Jesuh nih cun a hngalh i Ca Thiang nih a rak chimmi tlinternak caah kha, "Ka ti a hal," tiah a ti.