Taksa minung le Thlarau minung
Jesuh Khrih he aa tonmi
vialte cu anmah chambaunak an i hmuh i toidor nun an ngei.
(1).
Prophet Isiah nih “E law, mah hi ka si ko cang! Ka lo ko cang. Ka kaa in a
chuahmi bia hi bia sual lawngte an si i ka umnak mi zong hi bia sual le bia
thur a hmangmi lawngte an si. Cun atu ah ka mit hrimhrim in Siangpahrang,
Ralkapbu Bawipa cu ka hmuh,” a ti (Isiah 6:5).
(2).
Jesuh zulhtu Simon Peter nih cucu a hmuh tikah Jesuh hmaiah cun a khuk aa bil
i, “Bawipa, ka kaltak ko, kei cu misual ka si" tiah a ti. (Luke 5:8).
(3).
Khrih lamkaltu Paul: (Lamkt. 8:3). Paul nih
kei cu an lakah a sual bik ka si ko, “the chief of sinners” (I Timothy 1:15). Takasa minung le Thlarau minung aa dangnak cu as below:
Ø Taksa
minung cu anmah le anmah an i daw, Pathian hmai kha zeiah an rel lo.
Ø Thlarau minung cu Pathian dawt kha an duhnak sangbik ah an chiah i,
keimah tinak le phorhlawtnak lungthin an ngei lo.
Ø Taksa
minung cu mah le mah sungparnak an i pek i, midang sin in thangthatnak kha an
kawl.
Ø Thlarau minung cu an Bawipa Pathian tu kha zeitluk in dah sungparnak
kan pek khawh lai timi lungput an ngei. An Pathian kha kan sungparnak le a kan
cawisantgtu na si an ti i, a zungzal in Pathian ah an i lawm.
Ø Taksa
minung hna nih an duhmi cu uktu si kha an duh i, midang cungah nawlngeihnak
ngeih kha an i cuh. Midang hi zeitluk in dah kan uk khawh hna lai i, kan nawl
an zulh lai tiah a phunphun in an i zuam.
Ø Thlarau minung cu Pathian miphun a simi hna karlak ah cun cu bangtuk
lungput cu a um lo. Pakhat le pakhat rian an i tuanpiak i, pakhat le pakhat an
i daw hna, pakhat le pakhat an nawl an i ngai i, pakhat le pakhat karlak ah
theihthiamnak an ngei.
Ø Taksa
minung nih cun nawlngeihnak vialte kha an i cuh.
Ø Thlarau minung nih cun
Pathian kha nangmah hi kan Bawipa, Pathian na si, a kan uktu na si, an ti.
Ø Taksa
minung cu anmah le anmah miaknak lawnglawng kha an kawl i, Pathian zong an
theih ko nain Pathian a si tiah sungparnak pek zong an theih lo, lunglawmhnak
chimh zong an theih lo. Mah zawn lawng kha an i ruah i, mah sungparnak lawng an
kawl, mah thatnak lawng an kawl i, hnachuahnak le hakkaunak in an khat. Asinain
an ruahnak kha pakpalawng a si i, an khuaruahmi le an lungthin cu muinak in a
khat. A fim ngai bangtukin an i umter, anmah fimnak in sungparnak an i pek, a
ngaingai ti ahcun an hrut. Anmah le anmah kha midin ah an i ruah i, a thianhlim
tuk mi Pathian sungparnak tu kha a thurhnawmmi le a rawk khomi minung le saram,
va le rul sivai ngei hna bangtuk ah an thlen. A zungzal in sungparnak pek ding
le biak ding a simi sertu Pathian kha biak loin an sermi tu hna kha an biak
hna. (Rom 1:19-23)
Ø Thlarau minung hna nih cun minung fimnak kha a biapi ah an chiah hna
lo i, nun thianhlimnak tu kha a biapi ah an chiah. Cuticun, a hmaanmi biaknak
in Pathian kha an biak, an thangthat i, laksawng hmuhnak ding Pathian Pennak
ram khi an kawl.
"Pathian tinhmi
kha nan zulh khawh nakhnga le cu tuah duhnak lungthin nan ngeih nakhnga,
Pathian cu nan chungah rian a ṭuan zungzal ko."
(Phi 2:13), Amen!!!
By: Victor Aung Thu Lin
Comments
Post a Comment