Zeiruangah Khrihfa na si?

Biahmaithi:

Khrihfa hi biaknak dang he zeitindah kan nih dangnak a si? Vawlei cung biaknak religion hi tampi a um; cu hna lak ah Buddhism, Muslim le Christianity biaknak pathum kong hi chim ka duh. Hi biaknak pathum chung ahhin, Buddhism biaknak hi a rak um hmasa bik asi. Khrihfa mi nih Jesuh kan zumh bantukin Buddhism zong nih Buddha cu Jesuh bantukin an zum ve. Muslim zong nih Mudhmmad cu Prophet tiah an zum ve. Prophet timi cu Pathian bia phortu tinak asi. Cuve bantukin Khrihfa (Christianity) zong nih Jesuh Khrih cu Messiah “anointed” asi tiah kan zum ve. Philosopher Immanuel Kant nih a chimmi cu, “biaknak dikhmaan taktak mi cu pakhat lawng a um, sihmanhsehlaw zumh ning cu tampi an um kho ko” tiah a ti. Religion nih a kawlmi cu “Biatak”, the truth” hi asi. These religions are basis on the book, basis on the prophet.

1. Buddhism, a thawttu pa cu “Siddharat, Gautama” Buddha cu 560 B.C kum ah chuah, khuate “Lumbini” India le Nepal karlah a um. Siddharat, Gautama nih a kawlmi cu harnak chungah zeitindah kan luat khawh lai ti hi a si. Gautama nih kum 6 chung temhtuarnak (suffering) chung in luatnak lam a kawl peng. Voi khat cu zeihmanh cawlcang loin Uairanzana Tiva (River) pawngah a thu. A kawlmi a hmuh kho hlan cu “Buddha tiah min pek a si rih lo. A hnu bik ah (Bodhi tree) Buddhagaya timi thingkung ah a phan i, cu thingkung tangah cun (meditation) dai tein khua a ruah. Harnak chungin zeitindah harnak chung in kan luat kho lai timi thil hngalh khawhnak “Enlighten” fianter tein a hmuh hnu lawngah Buddha tiah auh a si.

2. Muslims nih an zummi cu Muhammad a si. Allah, Abraham, Moses, Jesuh zong an zumh. Asinain Jesuh cu Pathian a si tiah an zumh lo. Allah timi cu pathian pakhat lawng a um tinak si. Muslim Bible cu Quran tiah an auh. Muslim caah Muhammad cu Prophet tiah an zumh. Muslim zumhnak le Christian hi aa lo ngai. Muslim Bible, Quran 1 sura 2:81, 87: 2.sura 2:254,253; 3.sura 4:169,171; 4.sura 5:109,110; 5.5:19, 17; 6.5:21, 91; 7. 5:66, 12. Hi chungah hin Jesuh Khrih he pehtlaih mi tampi hmuh khawh asi. A Muslim is a person who surrenders or submits himself to obey god: Muslim pawl nih a biapi in an chiahmi cu an pathian Muhammad caah nun pek in riantuan a si.

3. Christianity: Jesuh cu B.C 7-4 ah a chuak tiah Bible thiam sang pawl nih an chim. Khrihfami nih kan zumhnak a hrampi cu Jesush Khrih hi asi. Vawlei cung “Gospel” thawngtha a chim hmasatu cu Jesuh a si. Jesuh a thi hnu ah thawngtha chimtu kha thawngtha ah aa cang. Nihin, thawngtha kan chimmi cu Jesuh Khrih nih misual luatnak lam a kan serpiaknak, a dawtnak le a tuahserak kong hi a si cang. Cu thawngtha bia cu a hmaan, a dik “the truth” asi tiah biatak in riantuanmi kan si.

Hi biaknak pathum nih an kawl i, an chimmi cu a hmaanmi biatak kha phuan le auhpi a si. Buddha nih keimah cu biatak ka si tiah a chim lo nain, keimah, ka hmuh ningin nan tuah i, nan zulh ahcun harnak chungin luatnak nan hmuh lai tti kha a phuan. Cuve bantukin Muhammad zong nih pathian prophet ka si, keimah chim ningin nan tuah i, nan zulh ahcun luatnak nan hmuh lai tiah a chim ve. Sihmanhsehlaw, kan Bawipa Jesuh nih cu, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo” tiah a ti (John 14:6). Biaknak he ai dang tertu cu “nunnak” ka si tiah a chimmi hi a si. Kan Bawipa Jesuh lawnglawng nih “kei cu nunnak ka si” tiah a chim kho. Cucaah, Jesuh Khrih a zumtu cu nunnak a ngeimi kan si. Paul nih a chim bangin “Biatak cu hihi a si: Khrih cu thihnak in thawhter a si i cucu thihnak chung i aa hngilhmi hna zong kha thawhter an si ve lai tinak aamahkhan a si.” (1Cor 15:20). Jesuh Khrih thihnak le thawt thannak hi biaknak dang le Khrihfa zumhnak a dang tertu a si. Thihnak thlan chungin a thawt than mi cu Jesuh lawngawng a si. Jesuh nih, “Keimah hi thawhṭhannak le nunnak cu ka si. Keimah a ka zummi paoh cu a thih hmanh thi seh law a nung lai” (John11:25). Biaknak (religion) nih minung a kan khamh kho lo. Harnak chung in kan luat i nunnak kan ngeih khawhnak hnga, khamhtu kan herh. Zungzal nunnak a kan pek kho tu cu kan Bawipa Jesuh lawnglawng a si. Cucaah, Khrihfa cu nunnak a ngeimi a dikmi, a hmaanmi thihnak le thawt thangnak a zumhmi kan si.

God Bless You All.

By: Victor Aung Thu Lin