Porhlawh cu Sunghnak Hramthawk a si


Vawlei mit zoh ahcun nung hi a har i lung a dong ko. Kan ruahchanmi hi kan saduhthat tlingtertu siloin a caan ahcun ngaihchia mitthli tlaknak lawng a chuahpi.
1.      Vawlei ah kan duh ning in kan chuah lo i, kan duhlo ning in kan liam than.
2.      Hlawhtlinnak hmu ding in kan i zuam nain, sunghnak chung in kan luat hlei lo.
3.      Kan ngeihmi thil a karh nain, kan minung man a tthumh.
4.      Nunnak caah riantuan cu kan thiam nain, nun man zeidah si kan theih ti lo.
5.      Thil ngan deuhdeuh kan tuah nain, thil tthat deuh an si bal lo.
6.      Second heaven America zong zeihmanh a hlei lo lungreitheinak a tam chin2.

 America ram cu Vancung khua (second-heaven) an rak ti tawn nain, nihin ahcun buainak le thisen luan a tam cemnak ram pakhat a si cang. Pathian dawtnak a theih lomi hna ca ahcun second heaven si loin, second Hell bak si ko. Vawlei cung ram thawng le ram lianngan, African Empires 300 BC in nihin American chan tiang tuanbia zoh hna sih:

1.      African Empires: 300 BC - 0AD le Ancient Empires: 300 BC Jesuh chuahka hrawng vawlei cungah ram thawng ngaimi an rak si.
2.      Persian Empires: 600 BC - 330 BC, kum 200 hrawng vawlei cungah ram thawng ngai an rak si ve.
3.      Babylonian Empire: 200 BC – 1759 BC, kum 300 hrawng vawlei cungah a thawng i vawlei hi an rak uk/hruai.
4.      Greek Empire: 776 BC – 323 BC, kum 350 hrawng vawlei an uk.
5.      Romans Empire: 510 BC – 476 AC, kum 520 hrawng tiang hi vawlei an uk tiah chim khawh a si.
6.      British Empire: 1490 AD hrawng hi England nih vawlei cung hi an uk dih. 1960 ralpi voi hnih tiang hi England ram nih an uk hna. Atu tiang hmanh England uknak tangah a ummi ram an um rih. British cu kum 500 hrawng a thawng tiah chim khawh a si.
7.      Russian Empires: 1721-1917 AD tiang hrawng vawlei an uk ve i kum 200 tiang Russian pawl nih vawle hi an rak uk.
8.      American: July 4, 1776-AD ahhin American ram cu ram luat tiah a si, atu hi America thawng chan a si.

Atu lio cu America hi ram thawng bik a si (ram that bik cu a si lo). America lian-ngan kum hi tuak ahcun kum 242 hrawng si cang. Bible scholars zumhnak ahcun Pathian nih 4000 B.C.E ah Van le Vawlei a ser an ti. Kan vawlei kum hi approximately in tuah ahcun 6,018 or 6000 -7000 hrawng a si cang. Kum 600-7000 chung vawlei tunbia zoh tikah empires an thawng bik caan hi kum 330-500 tiang lawng a si. America hlan ah ram thawng pawl an tla bantuk in kum 40-50 hnu ahcun a thawng tukmi America zong hi a rak tla ve te lai tti cu a fiang.

An tuanbia cuaithlai tikah mifim le Thlarau pa hna nih an hmuh khawhmi cu “Pathian zei an rello caah a si” an ti. Ram a hrawh biknak a ruang cu Pathian zei rel-lo le minung fim-thiamnak i bochan tuk ruangah a si. America tuanbia lawng tuak uh sih law, America ram cu Pathian bochan in dirmi ram bak a si. Cucaah, “Pathian kan i bochan” tiah an phaisa ah an tialnak asi. Sihmanhsehlaw, nihin America ram zoh ahcun a buai cem le pakhat le pakhat i thah le meithal he kap a tam taktak, American nunnak zoh ahcun "thlachiatruah lungput" a tla cuahmah ko.

Pathian cu an theih ko nain an lungthin taktak in an tlaihchan lo. President Thomas Jefferson nun zoh u sih law, Thomas Jefferson cu 1801 to 1809 tiang USA President a tuan i America ram hruainak constitutions tampi a sermi a si. Asinain, Thomas Jefferson a nun zoh tiah Pathian a zumh taktak lo. “The Life and Morals of Jesus of Nazareth” timi cauk nan rel ahcun na theih ko lai. Biakam Thar i Jesuh nih khuaruahhar a tuahmi a zumh lo, a tawinak in chim ahcun a thluak in a tuak i a hngalh khawh lomi vialte kha Pathian bia ah a cohlan lo. Biakam Thar cauk cheu khat cu a hlawt dih. Pathian ka zumh ko ti ttung i Bible zumh lo cu Khrihfa zumhnak a hmaan lomi a si.

Pathian hi kanmah duhnak lawngah kalter kan i timh ahcun, kan ram le kan miphun cu a him kho lai lo, Amah Pathian duhnak zulh thiam hi a biapi. Sertu Pathian hi minung nih control kan tinh ahcun mual kan pho ko lai. America ram cu 1962 tiang sianginn class chungah thlacamnak in thawk a rak tawnmi kha color dangmi minung kan tam tuk cang an ti i thlacamnak an phiat. Same sex-marriage zong America in a chuah. Thil fih nung an tuah. President Donald Trump nih America first ti lawng a tlaih hoi cang. America ram cu zawngruahnak an tlau cang. America ram chung ummi an i huat, an i rem lo ning hi 2017-2018 kum ahhin an zual chin2.

2018 thla hnih le tawmpal lawng kan kal rih nain accident le methal he i kap a tam ngai cang. January thla chungah mipi meithal kap hi voi 32 an tong, February thla ah mipi meithal kap voi 45 an tong hoi. Thla hnih chungah thisen tampi a luan. Ram thatnak leiah kan um ti zongah lungreitheinak chungin kan luat hlei lo. Laimi lak zongah stress le depression tong ruangah mah le mah aa thahmi an um lem cang. Refugee Trauma in kan zawt ve cang rua. Pathian tel lo ahcun khuazei hmanh ah hnangamnak le nuamhnak a rak um lo.

Biadonghnak: Pathian nih thil lianngan a tuahmi hna hi minung hna hmang in a tuah tawn. Minung nih Pathian thil lianngan tuahnak ah kan bawmh tinak cu a si lo. Amah (Pathian) tu nih hriamnam pakhat bantukin a kan hmang. Midang caah thiltha kan tuahmi vialte hi kanmah porhlawhnak ca’h si loin, Jesus mui kan ken khawhnak hnga Pathian nih thazaang a kan pekmi a si. Zeitihhmanh ah kanmah tein credit pek hna hlah u sih. Bawipa lung a tling lo ahcun zeitihhmanh a hrawh kho ti lai lo tiah an timi Titanic သေဘၤာ cu ruahlo piin 15 April 1912 ah a hrawh cikceh ko i ram thawng hna le miphun lian-ngan hna zong an hrawh ve ko. Porhlawh ngaiin bia chimh le Pathian bochan loin riantuan cu kanmah mualphonak a si. “Confidence timi hi kanmah fimnak cungah ai hngatmi si loin, Pathian thawngnak bochan buin riantuan ngam khi a si.”

Miphun dang hna zeitluk in tla hna hmanh seh law, zumtu Pathian aa bochanmi kan tla ve lai lo.

1. Na miphun lianngan seh ti na duh ahcun "dinfelnak" kha tlaih peng ko. "Miphun lianngan tertu cu dinnak a si” (Proverbs 14:34),
2. Fimnak ngeih na ahcun, Bawipa kha tih ko. "Bawipa tih cu fimnak hram thawtnak a si" (Proverbs 1:7),
3. Teinak le nuamhnak ngeih na duh ahcun, "lungrualnak" lungput ngeih. “Unau rual i rem tein khuasak tti hi zeitluk in dah a tthat i a nuamh” (Palm 133:1).



References:

1. Marvin Perry, et al, (1990), A History of the World. Boston, MA: Houghton Mifflin
2. Paul D. Meier, Renewing Your Mind in a Secular World, John Woodbridge, editor, Moody Press, Chicago, 1985.
3. Thomas Jefferson. The Life and Morals of Jesus of Nazareth. Dover Publications paperback 1895.
4. Pastor Za Thawng Cin Sermon, “Bawipa Ralchanh cu Tih a Nung” (Bethel Baptist Church TX, USA)

Comments

Post a Comment

Popular posts from this blog

The Story of Arthur Carsons: Mission to the Chin

Image
The Rev. Arthur Carson, the first American Baptist missionary to the Chins, was born on August 6, 1860 in Columbus USA. He was ordained as a full-fledged minister or August 29, 1885. After this, the American Baptist Mission Union designated him to be a missionary to the Chins in April 16, 1886. He sailed from USA to Burma on the 14 th day of October and arrived in Yangon on the 13 th day of December. Five-days after his arrival, he married Laura Hardin at the Sgaw Karen Church in Bassein. Laura was born on September 28, 1868 and on July 9, 1883 she was given the responsibility to work in a foreign land by Women’s Foreign Mission Society of West Chicago. She sailed on September 29, 1883. She arrived in Yangon on November 28, 1883. She worked for a while as a teacher at Kotharbyo High School in Bassein. Having been given the responsibility to work as missionaries to the Southern Chins (Ashochins) by the Rev. Arthur Carson and Mrs. Carson took residence at Thayetmyo in 1888, an...
Read more

Lai Mino Thanchonak Caah A Herhmi Thil Pathum

Biahmaithi Kan ram theipar pangpar dawh a chuah tertu cu Lai mino nangmah le keimah hi a si.  “Righteousness exalts a nation, miphun a lianngan tertu cu dinnak a si” tikah kan Bible ca nih a kan cawnpiak. Nihin vawlei cung thil kan zoh tikah vawlei fimnak (technology) hi a tthancho cuahmah; vawlei cung minung tthanchonak kan zoh tikah keimah ka hmuh ning ahcun thatnak lei in thancho loin chiatnak leiin kan tthancho deuh rua tiah ka hmuh. Kanmah Chin, Lai Mino nun ka zoh tikah (righteousness), dinnak nun hi zei ah kan rel lo tuk. Laimi nih kan uar ngaimi cu Lih bia chim hi si. Cucaah Laimi lih bia chimtu ah kan cang. Mino, upa nunnak ah dinfelnak lungthin nih a kan zam tak cang rua ti hi ka ruah ngai. (righteousness), dinnak nun hi Mino, Upa caah a herh tuk mi thil pakhat a si. 1. Dinnak kan herh: Dinnak hi mi zeipoah caah a tha i, mi zeipoah nih dinnak hi kan tuah cio lo. “Dinfelnak cu kan khuaruah mi, lungthin in a tho i nunzia ah a langmi a si”. Nun zia cu tuah sernak ...
Read more

Paul Tuanbia Tawi 20

1 th  Paul cu Judah miphun hleihnih lak ah miphun sang Benjamin hrinsor a si. 2 th  Paul cu Tarsus khua ah a chuak. 3 th  Paul cu Kum 12 a si ah Jerusalem khua ah cawnpiaktu min thang a simi Gamaliah sin ah fimnak a cawngmi a si. 4 th  Paul cu khrihfa a rak hermtu hna pakhat a rak si. “Lam 7:60” 5 th  Paul cu Damaskas haukaa ah Bawipa nih aa lung a rak thlenmi a si. 6 th  Paul cu Damaskas khua ah Ananias nih Tipilnak a rak pek. “Lam 9:18” 7 th  Paul cu Arab ramcar (thase ramcar) chungah Pathian he kum 3 chung Hawikomhnak an ngei. 8 th  Paul cu Saphaw thlam thiat rian a tuanmi a si. 9 th  Paul hmasatbik Thawngtha chimnak cu Damaskas khua ah a si. 10 th  Paul hmanungbik (A donghnak bik) Thawngtha chimnak cu Rome khua ah a si. 11 th  Paul hmasatbik thong tlaknak cu Jerusalem khua ah a si. 12 th  Paul hmanungbik (A donghnak bik) thong tlaknak cu Rome khua ah a si. 13 th  Paul hmasatbik thual tlawnna...
Read more